مسلمہ عقائد سے ایک انچ پیچھے نہیں ہٹیں گے،علما ءوذاکرین

مذہبی آزادی چھیننا ملکی بنیاد کو کھوکھلا کرنے کی کوشش کے مترادف ہے
لاہور (نیوز ڈیسک) شیعہ وحدت کونسل کے زیراہتمام قومی مرکز شاہ جمال لاہور میں مشاورتی اجلاس کا انعقاد کیا گیا، جس کی صدارت مجلسِ وحدت مسلمین پاکستان کے مرکزی سیکریٹری سیاسیات سید اسد عباس نقوی و سیکریٹری جنرل مجلسِ وحدت مسلمین پنجاب علامہ عبدالخالق اسدی نے کی، اجلاس میں نامور علما و ذاکرین، مذہبی جماعتوں کے رہنما، بانیان مجالس و جلوس، متولیان امام بارگاہ، ماتمی انجمنوں کے سالار اور ملت تشیع کے اکابرین شریک ہوئے ،اجلاس میں کہا گیا کہ ان نام نہاد، مذہبی اسکالرز کو فوری نظر بند اور گرفتار کرنے کا مطالبہ کرتے ہیں جو حقائق کو مسخ کرکے عوام کو اشتعال دلانے کی کوشش کر رہے ہیں، حکومت اورسیکیورٹی اداروں سے مطالبہ کرتے ہیں کہ سوشل میڈیا پر فعال تکفیری گروہوں کیخلاف فوری کارروائی کی جائے اور انہیں قانون کے کٹہرے میں لاکھڑا کیا جائے، ملت جعفریہ اپنے مسلمہ عقائد سے ایک انچ اور ایک لمحہ کیلئے بھی کسی طرح کا سمجھوتہ نہیں کرے گی، اہلسنت بھائی ہماری جان ہیں اور ہم اہلسنت کے مسلمات کی توہین کو جائز نہیں سمجھتے ،کسی بھی مسلک کی مذہبی آزادی کو چھیننے کی کوشش کرنا دراصل پاکستان کی بنیاد کو کھوکھلا کرنے کی کوشش کے مترادف ہے