لیبیا میں جنگ سے طرابلس میں ڈیڑھ لاکھ افراد بے گھر

متاثرین کو شیلٹرکٹس اور نقد امداد جیسی بنیادی اشیا مہیا کرائی ہیں،اقوام متحدہ
طرابلس(نیوز ڈیسک) اقوام متحدہ کے اعلیٰ کمشنر برائے مہاجرین نے کہا ہے کہ لیبیا میں لڑائی کے باعث ڈیڑھ لاکھ لوگ دارالحکومت طرابلس میں بے گھر ہوئے ہیں، یواین ایچ سی آر بے گھروں کو مسلسل امداد مہیا کرا رہا ہے، ہزاروں بے گھر وں اور وطن لوٹنے والے افراد کو شیلٹرکٹس اور نقد امداد جیسی بنیادی اشیا مہیا کرائی ہیں الاقوامی برادری کی جانب سے لیبیا میں قائم شدہ حراستی مراکز کو بند کرنے کی اپیل کے باوجود تین ہزار سے زائد پناہ گزین اور تارکین وطن یہاں کے حراستی مراکز میں رہ رہے ہیں۔