لیبیا : متحارب گروپوں پر سیاسی عمل میں شر کت پر زور

اقوام متحدہ کی مدد و تعاون سے مشترکہ فوجی کمیٹی بنائی جائے گی ، سیکریٹری جنرل
نیویارک (نیوز ڈیسک) اقوام متحدہ کے سیکریٹری جنرل انتونیو گوتریس نے لیبیا میں جنگ بندی کے نفاذ کے بعد متحارب فریقوں سے کہا ہے کہ وہ تعمیری سیاسی عمل میں شامل ہوجائیں اور مسائل کو بات چیت کے ذریعے حل کریں ،گوتریس کے ترجمان اسٹیفن دوجاریک نے ایک بیان میں کہا کہ اقوام متحدہ کے سیکریٹری جنرل کو امید ہے کہ دونوں فریق جنگ بندی کا احترام کریں گے اور اقوام متحدہ کی مدد و تعاون سے مشترکہ فوجی کمیٹی کا قیام عمل میں لایا جائے گا ،انہوں نے لیبیا میں جنگ بندی کے سمجھوتے کے اعلان کو ایک دلیرانہ فیصلہ قرار دیتے ہوئے کہا ہے کہ اصل مقصد سیاسی عمل کو آگے بڑھانا ہے