Ilyas آپریشن کو عراقی فضائیہ اور فوج کے بریگیڈ 5 کی مدد بھی حاصل
بغداد (نیوز ڈیسک) حشد الشعبی نے عراق میں داعش کے سب سے بڑے گڑھ صوبہ دیالہ میں وسیع آپریشن شروع کر دیا ہے ، یہ آپریشن بعقوبہ سے 45 کلومیٹر شمال مشرق میں واقع "زور المقدادیہ” سے شروع کیا گیا ہے ، آپریشن کو عراقی فضائیہ اور فوج کے بریگیڈ 5 کی مدد بھی حاصل ہے ، آپریشن کے ابتدائی لمحات میں دہشت گردوں کا ایک خفیہ ٹھکانہ دریافت کیا گیا ہے جس سے کثیر مقدار میں فوجی سازوسامان اور دھماکہ خیز مواد بھی برآمد ہوا ہے ، یہ علاقہ صوبہ دیالہ کے اندر داعش کا اہم ترین گڑھ ہے جبکہ اس علاقے میں شروع کیا جانے والا آپریشن پورے علاقے کی کلیئرینس تک جاری رہے گا
