Raza Musani 
انقرہ : ترک صدر رجب طیب اردوان نے مکہ دفاعی معاہدے کو توثیق کے لیے پارلیمنٹ میں پیش کرنے کا اعلان کردیا۔ ایک تقریب سے خطاب میں رجب طیب اردوان نے کہا کہ ترکیہ، پاکستان اور سعودی عرب کے درمیان مشترکہ دفاعی تعاون کو مؤثر اور مستقل ادارہ جاتی نظام میں ڈھالنے پر کام جاری ہے، جبکہ معاہدے کی داخلی منظوری کے لیے اسے آئندہ دنوں میں ترک پارلیمان میں پیش کرنے کی تیاریاں کی جا رہی ہیں۔ رجب طیب اردوان نے سعودی عرب پر حوثیوں کے حملوں کی مذمت کرتے ہوئے کہا کہ مشکل گھڑی میں سعودی حکومت اور عوام کے ساتھ کھڑے ہیں۔
