Raza Musani 
صنعا: یمن کی فوج نے سعودی عرب کا مسلح جاسوس ڈرون مار گرانے کا دعویٰ کیا ہے۔ یمنی فوج کے مطابق ڈرون صوبہ صعدہ کی فضائی حدود میں کارروائیاں کر رہا تھا۔ یمنی فوج کے ترجمان بریگیڈیئر جنرل یحییٰ سریع کے مطابق مار گرایا گیا. ڈرون سعودی فضائیہ کا وِنگ لونگ ٹو تھا۔ یہ پیش رفت سعودی عرب اور یمن کے درمیان بڑھتی ہوئی فوجی کشیدگی کے دوران سامنے آئی ہے۔ سعودی حکام کی جانب سے اس دعوے پر فوری ردعمل سامنے نہیں آیا۔
