سوڈان میں خانہ جنگی کے خاتمہ کیلئے امن معاہدہ

عبوری نظام عدل کاقیام ،اقتدار میں شرکت معاہدے میں شامل
خرطوم(نیوز ڈیسک) سوڈان کی حکومت اور مسلح جنگجو گروہوں کے اتحاد (ایس آر ایف) کے درمیان امن معاہدے پر بالآخر دستخط ہوگئے ،معاہدے کامقصد سوڈان میں دہائیوں سے جاری لڑائی کو ختم کرنا ہے جن میں لاکھوں افراد ہلاک اور10 لاکھ سے زیادہ بے گھر ہوئے ہیں،معاہدے میں جن اہم نکات پر اتفاق ہوا ہے ان میں سیکیورٹی، زمین کی ملکیت، عبوری نظامِ عدل، اقتدار میں شراکت اور جنگ کی وجہ سے نقل مکانی کرنے والے لوگوں کی واپسی شامل ہے اس کے علاوہ مسلح باغی گروہوں کو ختم کر کے انھیں ملک کی فوج میں شامل کیا جائے گا،اپریل 2019 میں تیس سال تک ملک پربرسر اقتدار رہنے والے صدر عمر البشیر کو ان کے عہدے سے ہٹا کر حراست میں لے لیا گیا تھا،جنوبی سوڈان، چاڈ، متحدہ عرب امارات، دارفور میں اقوام متحدہ کے پیس کیپنگ مشن نے معاہدے پر ضامن کے طور پر دستخط کیے