امیر ملکوں نے76فیصد کورونا ویکسین خرید لی، غریب لاچار

 کورونا ویکسین کی منصفانہ تقسیم کو یقینی بنانے کی ضرورت ہے، عالمی ادارہ صحت
جنیوا(نیوز ڈیسک) عالمی ادارہ صحت نے دنیا میں کورونا ویکسین کی منصفانہ تقسیم کو یقینی بنانے کی ضرورت پر زور دیا ہے،ڈبلیو ایچ او کے سربراہ ڈاکٹر ایڈھانوم گیبری سوس نے جنیوا میں پریس کانفرنس میں کورونا ویکسین کی غیر منصفانہ تقسیم کے معاملے پر کڑی نکتہ چینی کی، انہوں نے کہا کہ عالمی بحران، عالمی راہ حل کا تقاضا کرتا ہے اور اس کے لیے تمام ملکوں کے درمیان ہم آہنگی ضروری ہے ، دنیا کے صرف 10 ملکوں نے76 فی صد سے زیادہ ویکسین اپنے لیے خریدلی ہے، دوسری جانب جرمن وزیر برائے امداد و ترقی گرڈ مولر نے کہا ہے کہ پوری دنیا کے لیے ویکسین مہیا کرانے کے لیے پچیس ارب یورو کی رقم درکار ہے