Ilyas 
عبوری حکومت یا طالبان کے ساتھ مشترکہ حکومت کے قیام کی تجویز قبول کرلیں ،نئے امریکی منصوبے میں تعاون کے سوا کوئی راستہ نہیں ،امریکی وزیر خارجہ
صدر اشرف غنی سمیت افغانستان کے سیاسی اور مذہبی رہنماو ¿ں نے امریکی منصوبے کو سختی کے ساتھ مسترد کردیا ، عوامی سطح پر بھی امریکی منصوبے کی مخالفت
واشنگٹن(نیوز ڈیسک) امریکا نے افغان حکومت کو بھی آنکھیں دکھانا شروع کردیں ، امریکی وزیر خارجہ انٹونی بلنکن نے دھمکی آمیز خط کے ذریعے افغان صدر کو عبوری حکومت یا طالبان کے ساتھ مشترکہ حکومت کے قیام کی تجویز قبول کرنے کا مشورہ دیا ہے ، انٹونی بلنکن نے صدر اشرف غنی کے نام خط میں خبردار کیا ہے کہ افغانستان کی صورتحال مسلسل خرابی کی طرف گامزن ہے لہذا ان کے پاس نئے امریکی منصوبے میں تعاون کے سوا کوئی راستہ نہیں ،امریکا کے خصوصی ایلچی برائے افغانستان زلمے خلیل زاد نے کابل میں سرکاری عہدیداروں اور سیاسی رہنماو ¿ں کے ساتھ ملاقات میں انہیں عبوری حکومت یا طالبان کے ساتھ مخلوط حکومت کے قیام کے امریکی منصوبے سے آگاہ کیا تھا ، اشرف غنی سمیت افغانستان کے سیاسی اور مذہبی رہنماو ¿ں نے امریکی منصوبے کو سختی کے ساتھ مسترد کردیا ہے جبکہ عوامی سطح پر بھی اس منصوبے کی مخالفت کی جارہی ہے۔
