امریکا نے ٹھوس مدد کے بجائے صرف خوف پھیلایا، چین کا الزام

چین کو کورونا وائرس سے نمٹنے کیلئے فوری حفاظتی طبی ساز و سامان کی ضرورت ہے
بیجنگ (نیوز ڈیسک) چینی وزارت خارجہ نے امریکا پر کورونا وائرس سے خوف پھیلانے کا الزام عائد کردیا،ترجمان چینی وزارت خارجہ کا کہنا ہے کہ امریکا چینیوں پر سفری پابندیوں سمیت کورونا وائرس سے متعلق اقدامات سے خوف پھیلا رہا ہے، امریکا نے وائرس سے نمٹنے میں کوئی ٹھوس مدد نہیں کی، صرف خوف پھیلایا ہے، چین نے کہا کہ کورونا وائرس سے نمٹنے کے لیے فوری حفاظتی طبی ساز و سامان کی ضرورت ہے جس میں طبی ماسک، حفاظتی سوٹ، حفاظتی چشمے شامل ہیں، چین سے شروع ہونے والا کورونا وائرس اب دنیا کے کئی ممالک میں پھیل چکا ہے۔