اشرف آصف جلالی کی ضمانت مسترد

سنگین نوعیت کے الزامات ہیں، وکلاضمانت کی ٹھوس وجہ نہیں بتا سکے،عدالت
 لاہور(نیوز ڈیسک) اشرف آصف جلالی کی جانب سے درخواست ضمانت دائر کی گئی جس پر ماڈل ٹاﺅن کچہری میں سماعت ہوئی۔ عدالت میں فریقین کے وکلاءنے بحث کی اور دلائل دیئے۔ عدالت نے فریقین کے وکلاءکے دلائل سننے کے بعد فیصلہ محفوظ کر لیا تاہم کچھ دیر کے بعد عدالت نے فیصلہ سناتے ہوئے ڈاکٹر اشرف آصف جلالی کی درخواست ضمانت مسترد کر دی، عدالت نے قرار دیا کہ ملزم کیخلاف سنگین نوعیت کے الزامات ہیں، جبکہ ملزم کے وکلاءبھی اپنے دلائل میں ضمانت دینے کی ٹھوس وجہ نہیں بتا سکے۔ عدالت کے فیصلے کے وقت ماڈل ٹاﺅن کچہری میں سیکیورٹی کے انتہائی سخت انتظامات کئے گئے تھے جبکہ اضافی نفری بھی تعینات کی گئی تھی۔ یاد رہے کہ اشرف جلالی کیخلاف توہین بی بی فاطمہ ؑکے الزام میں مقدمہ درج کیا گیا ہے۔