Ilyas اسرائیل کے ساتھ تعلقات کی بحالی توسیع پسندی ہموار کرے گی،عیسی قاسم
مناما (نیوز ڈیسک) بحرین کی تحریک اسلامی کے سربراہ آیت اللہ عیسی قاسم نے امریکااور اسرائیل کو مسلمانوں کا سب سے بڑا دشمن قرار دیتے ہوئے کہا ہے کہ جو بھی اسرائیل کے ساتھ ہے اس نے خود کو امت اسلامیہ سے الگ کر لیا ہے، انہوں نے عرب اور اسلامی زمینوں پر قبضے، ملت فلسطین کی دربدری اور فلسطینیوں پر صیہونیوں کے جرائم کو غاصب صیہونی حکومت کے خلاف جدوجہد کی اہم ترین وجوہات قرار دیااور کہاکہ صیہونی حکومت کے ساتھ ہر قسم کے تعلقات کی بحالی اسرائیل اور امریکا کی توسیع پسندی کی زمین ہموار کرے گی اور اس کے نتیجے میں علاقے میں عدم استحکام پیدا ہوگا، صیہونی حکومت کے ساتھ تعلقات معمول پر لانے کے خلاف ردعمل کا سلسلہ بہت مضبوط ہونا چاہئے تاکہ دیگر ممالک اس طرح کے اقدامات کی ہمت نہ کریں
