اسرائیل،امارات،سعودیہ اور بحرین ایک صف میں آگئے

عراق پر امریکی حملہ جائز اور دفاع کا حق قرار، حشد الشعبی کی مذمت
جدہ(نیوز ڈیسک)عراق پر امریکی حملوں کے خلاف سعودی عرب،بحرین،اسرائیل ایک صف میں کھڑ ے ہوگئے ہیں اور انہوں نے امریکی حملوں کو جائز قرار دیتے ہوئے حشد الشعبی کی مذمت کردی، امریکی وزیر خارجہ مائیک پومپیونے سعودی ولی عہد شہزادہ محمد بن سلمان بن عبدالعز کو فون کرکے اپنی ننگی جارحیت کے بارے میں بتایا،بن سلمان نے حملے کو جائز قرار دیتے ہوئے کہا کہ امریکا کو اپنے دفاع کا حق ہے،انہوں نے عرب امارات کے ولی عہد محمد بن زائد النہیان سے بھی بات کی،اماراتی ولی عہد نے اسے امریکا کی دفاعی کارروائی قرار دیا، بحرین کی وزارت خارجہ نے امریکی حملوں کی حمایت کی اور مبینہ دہشت گرد گروہوں کا مقابلہ کرنے کے لئے دوست ملک کی حیثیت سے واشنگٹن کے کردار کو سراہا،اسرائیلی وزیراعظم اور وزیر خارجہ نے بھی امریکی حملے کا خیرمقدم کیا،امریکی وزیر خارجہ سے بات کرتے ہوئے بنیامین نیتن یاہو نے خلیج فارس کے خطے میں ایران اور اس کی ملیشیاؤں کے خلاف امریکی کارروائی کو اہم قرار دیا اور اسے سراہا۔