کورونا کی وبا ایک نیا ورلڈ آرڈر ثابت ہوگی،ہینری کسنجر

کورونا وائرس سے عمرانی معاہدوں کا شیرازہ بکھرتا دکھائی دے رہا ہے
نیویارک(نیوز ڈیسک) سابق امریکی وزیر خارجہ اور امریکی پالیسیوں کے ماہر ہنری کسنجر نے خبردار کیا ہے کہ کورونا کی وبا عارضی نہیں بلکہ اس کے تباہ کن معاشی معاشرتی اثرات آنے والی نسلوں میں بھی محسوس کیے جائیں گے۔ ان کا کہنا ہے کہ اپنے اثرات کی بنا پر کورونا کی وبا ایک نیا ورلڈ آرڈر ثابت ہوگا، کورونا وائرس سے عمرانی معاہدوں کا شیرازہ بکھرتا دکھائی دے رہا ہے، کورونا کے بعد کی دنیا اس سے پہلے کی دنیا سے مختلف ہوگی اور میری نگاہ میں کورونا آنے والے دور میں ایک نیا ‘ورلڈ آرڈر’ ثابت ہوگا،انہوں نے امریکا اور پوری دنیا میں معاشی افراتفری پھیلنے اور بڑے پیمانے پرمعاشی تبدیلیوں کا بھی عندیہ دیا، انہوں نے کورونا کے نتیجے میں پوری دنیا میں آنے والی تبدیلیوں کے لیے تمام ممالک اور اقوام کو تیار رہنے پر زور دیا،کسنجر نے کہا کہ کورونا کے بعد دنیا کی ایک نئی صف بندی ہوگی، خوش حالی بھی لوٹے گی۔ استحکام بحال ہوگا۔ مگرکوویڈ۔19 وبائی مرض کا خاتمہ ہو گا تو بہت سارے ممالک کے ادارے ناکام ہوتے نظر آئیں گے۔ کورونا سے پہلے کی دنیا بعد کی دنیا سے مختلف ہوگی۔