ناموس رسالت پر آنچ کسی صورت برداشت نہیں کر سکتے،ڈاکٹر عارف علوی

مغرب کوجذبات سے آگاہ کرنے کیلئے بات چیت کی راہ اپنانی ہوگی
لاہور(نیوز ڈیسک) صدر مملکت ڈاکٹر عارف علوی نے کہا ہے کہ حضور اکرم کا اسوہ حسنہ اور سیرت طیبہ ہمارے لئے مشعل راہ ہے، ناموس رسالت پر آنچ کسی صورت برداشت نہیں کر سکتے، مغربی ممالک کو ناموس رسالت کے معاملہ پر اپنے جذبات سے آگاہ کرنا ضروری ہے، ان خیالات کا اظہار انہوں نے رحمت اللعالمین کانفرنس سے خطاب کرتے ہوئے کیا، صدر مملکت نے کہا کہ حضور اکرم نے اپنی زندگی میں انصاف کی شاندار مثالیں قائم کیں، اسلام کے پیغام میں سماجی رویوں سے متعلق واضح احکامات موجود ہیں، ہمیں سماجی رویوں سے متعلق حضور اکرم کی سیرت طیبہ پر عمل کرنا چاہئے ، انہوں نے کہا کہ ناموس رسالت پر آنچ کسی صورت برداشت نہیں کر سکتے، اس معاملہ پر سخت احتجاج کرتے ہیں ، مغربی ممالک کو ناموس رسالت کے معاملہ پر اپنے جذبات سے آگاہ کرنے کیلئے بات چیت کی راہ اپنانا ہو گی