ملک بھر میں دینی مدارس کی رجسٹریشن کا آغاز ہو گیا

 133 اضلاع میں رجسٹریشن مراکز قائم، رابطہ آفیسرز متعین
لاہور(نیوز ڈیسک) ملک بھر میں دینی مدارس کی رجسٹریشن کا آغاز ہو گیا ، لاہور سمیت چاروں صوبوں میں مدارس رجسٹریشن دفاتر قائم کر دئیے گئے ہیں، حکومت اور اتحاد تنظیمات مدارس کے مابین طے پانیوالے معاہدے کی رو سے مدارس رجسٹرڈ کئے جائیں گے اور یہ وفاقی وزارت تعلیم کیساتھ منسلک ہوں گے، 133 اضلاع میں رجسٹریشن مراکز قائم کئے گئے ہیں، اسلام آباد، لاہور، کراچی، پشاور، کوئٹہ، مظفرآباد اور گلگت میں صوبائی رابطہ آفیسرز اور ضلعی سطح پر بھی افسران کی تعیناتی کی گئی ہے، بتایا گیا ہے کہ پنجاب میں 35، سندھ میں 24، خیبر پختونخوا کے 31 اضلاع میں دفاتر اور رابطہ آفیسرز متعین کئے گئے ہیں جبکہ بلوچستان میں 25، آزاد کشمیر میں 9 اور گلگت بلتستان میں 8 مراکز قائم کئے گئے ہیں، دینی مدارس کے مہتمم و ناظمین صوبائی یا ضلعی دفاتر سے رجسٹریشن فارم وصول کریں گے۔