مقبوضہ فلسطین سے منافع کمانے والی112 کمپنیوں کی فہرست جاری

کمپنیاں عالمی سطح پر تسلیم شدہ فلسطینی سر زمین پر اسرائیلی قبضے کی حمایت کر رہی ہیں،اقوام متحدہ
نیویارک(نیوزڈیسک) اقوام متحدہ کے انسانی حقوق کمیشن نے غرب اردن کے مقبوضہ علاقوں سے منافع کمانے والی 112 کاروباری کمپنیوں کی فہرست جاری کردی یہ کمپنیاں عالمی سطح پر تسلیم شدہ فلسطینی سر زمین پر اسرائیلی قبضے کی حمایت کر رہی ہیں، اس میں سے بیشتر کمپنیوں کے دفاتر اسرائیل میں ہیں، جس میں بینک، ٹیلی فون اور تعمیراتی کمپنیاں بھی شامل ہیں،ادارے کی فہرست میں سیاحت کے لیے معروف ویب سائٹس ائر بی این بی، بکنگ ڈاٹ کام، ایکس پیڈیا وٹرپ ایڈوائزر، بنیادی ڈھانچے کے لیے معروف فرانسیسی کمپنی السٹوم، امریکا کی مواصلاتی کمپنی موٹرولا اور غذائی اشیا کی معروف کمپنی جنرل ملز جیسی بڑی بین الاقوامی کمپنیاں بھی شامل ہیں فلسطینی وزیر خارجہ ریاض المالکی نے اقوام متحدہ کے اس اقدام کو سراہتے ہوئے اسے فلسطینی عوام کے لئے ایک بڑی کامیابی قرار دیا ہے۔