مسجد کی بے حرمتی میں ملوث افراد کےخلاف سخت کارروائی کی جائے، علامہ نیاز نقوی

 لاہور (پ ر ) وفاق المدار س الشیعہ پاکستان اور ملی یکجہتی کونسل کے مرکزی نائب صدر علامہ سید نیاز حسین نقوی نے مسجد وزیر خان کی بے حرمتی کے ملزمان کے خلاف سخت کارروائی اور مخرب اخلاق ویب سائٹس کو بلاک کرنے کا مطالبہ کیا ہے ، تاکہ اسلامی اور مشرقی اقدار کے تحفظ کو یقینی بنایا جاسکے ، انہوں نے واضح کیا کہ مذہبی مقامات میں سے مسجد کا تقدس اور احترام سب سے زیادہ ہے۔مسجد نماز ، دعا اور عبادت کے لئے مخصوص ہے۔ تو محکمہ اوقاف بادشاہی مسجد ،مسجد وزیر خان اور دیگر تاریخی مساجد میں نئے شادی شدہ جوڑوں کے فوٹو شوٹ اور فلموںکی عکس بندی کی اجازت کیوں دیتی ہے۔ یہ مسجد کا تقدس پامال کرنے کے مترادف ہے