لیبیا :عبوری وزیر اعظم اور 3 رکنی صدارتی کونسل پر اتفاق

عبوری حکومت انتخابات تک کام کرے گی، مصالحتی عمل شروع کیا جائیگا
جنیوا (نیوز ڈیسک) لیبیا میں عبوری وزیر اعظم اور 3 رکنی صدارتی کونسل پر اتفاق کر لیا گیا ،، جنیوا میں مذاکرات کے دوران متحارب دھڑوں نے اقوام متحدہ کے زیر نگرانی مذاکرات میں انتخابات کے انعقاد تک عبوری حکومت اور ملک کو درپیش مسائل کے حل کیلئے مل کر کام کرنے پر اتفاق کیا ، کاروباری شخصیت عبد الحامد محمد دبیبہ عبوری وزیر اعظم کی ذمے داری سنبھالیں گے، جب کہ سابق سفیر برائے یونان محمد منفی کو صدارتی کونسل کا سربراہ چنا گیا ہے،یو این سپورٹ مشن برائے لیبیا کی قائم مقام سربراہ اسٹیفنی ولیمز نے کہا کہ نئی انتظامیہ کو طے شدہ حکمت عملی کے تحت ایک تفصیلی مصالحتی عمل شروع کرنا ہوگا، جس کی بنیاد انصاف پر مبنی ہونی چاہیے۔ انہوں نے فریقین پر زور دیا کہ وہ ایندہ مراحل میں برداشت اور درگزر کا مظاہرہ کریں