قرآن مجید کی بے حرمتی جیسے واقعات امت مسلمہ کے باہمی انتشار اوربے حسی کا نتیجہ ہے،پیر اعجاز ہاشمی

 لاہور (پ ر) جمعیت علمائے پاکستان کے مرکزی صدر اور نائب صدر متحدہ مجلس عمل پیراعجا زاحمد ہاشمی نے سویڈن میں قرآن مجید کی بے حرمتی اور کلام الٰہی کے نسخے جلانے کی شدید مذمت کرتے ہوئے ایسے دلخراش واقعات کو مغرب کی فرعونیت اور امت مسلمہ کے باہمی انتشار اوربے حسی کا نتیجہ قرار دیا ہے ۔کارکنوں سے گفتگو کرتے ہوئے انہوں نے کہا کہ اسلام دشمن قوتیں اسلاموفوبیا کا شکار ہیں ،اسلام امن اوراحترام انسانیت کا دین ہے مگر دنیا میں سب سے زیادہ پھیلنے والے مذہب اسلام سے خائف کچھ یورپی مسیحی تنگ نظر عناصر اپنی روایتی خباثتوںکا اظہار کر کے دراصل اسلام کے ہاتھوں اپنی شکست کو تسلیم کر رہے ہیں۔