فوجی اڈے کسی پڑوسی ملک کیخلاف استعمال نہیں ہوں گے، کویت

تمام خبریں بے بنیاد ہیں،حکام کشیدگی کم کرنے کیلئے اقدامات کریں
کویت سٹی (نیوز ڈیسک) کویت نے واضح طورپر کہا ہے کہ اس کے فوجی اڈے کسی پڑوسی ملک کے خلاف استعمال نہیں کیے گئے اور اس حوالے سے تمام افواہیں بے بنیاد ہیں، بعض ذرائع ابلاغ اور سوشل میڈیا پر وائرل ہونے والی ان خبروں میں کوئی صداقت نہیں جن میں کہا گیا ہے کہ کویت کے فوجی اڈوں کو پڑوسی ملکوں کے خلاف حملوں کے لیے استعمال کیاگیا، تازہ پیش رفت میں متعلقہ حکام کو ہدایت کی گئی ہے کہ وہ کشیدگی کم کرنے کیلئے خطے کے ممالک کے ساتھ ہم آہنگی پیدا کرنے کی کوشش کریں شہریوں پر زور دیا گیا ہے کہ وہ غیرمصدقہ اور جعلی خبروں پر اعتبار نہ کریں، ذرائع ابلاغ جعلی خبروں اور افواہوں کی اشاعت سے گریز کریں۔