فارس نیوز ایجنسی کی رپورٹ کے مطابق صہیونی حکومت کے جنگی طیاروں نے دمشق کے جنوب مغربی علاقے میں کچھ مقامات کو نشانہ بنانے کی کوشش کی۔ تاہم شامی فضائیہ کا دفاعی سسٹم فعال ہو گیا ہے۔ سانا نیوز کی رپورٹ کے مطابق صہیونی جارحیت کے بعد دمشق کے قریبی علاقوں میں دھماکوں کی آوازیں سنی گئیں جو شامی فوج کے دفاعی میزائیلی سسٹم کی جانب سے صہیونی حکومت کے جنگی طیاروں سے فائر کئے جانے والے راکٹوں کو نشانہ بنائے جانے کی آوازیں تھیں۔
شامی ذرائع کا کہنا ہے کہ صہیونی فوج کی اس تازہ جارحیت میں کسی قسم کا جانی نقصان نہيں ہوا ہے۔ تقریباً دو ہفتے قبل بھی غاصب صہیونی حکومت کے جنگی طیاروں نے صوبہ حماہ میں جارحیت کرکے ایک کنبے کے سبھی افراد کو شھید کر دیا تھا۔ اس وحشیانہ جارحیت میں دومعصوم بچے اور ان کے والدین شھید ہوگئے تھے۔
