شام: دہشت گردوں کے کیمیائی ہتھیار استعمال کرنے کا انکشاف

مقصد اسد حکومت پرشہریوں کے خلاف کیمیائی حملے کا الزام عائد کرنا ہے،روس
دمشق(نیوز ڈیسک) شام میں تحریرالشام نامی دہشت گرد گروہ صوبے ادلب کے شمال مشرق میں زہریلا مواد اور کیمیائی ہتھیار استعمال کرنے کی منصوبہ بندی کر رہا ہے،اس بات کا انکشاف شام میں مصالحتی مرکز کے نائب سربراہ کرنل الیگزینڈر کاری پوف نے ایک بیان میں کیا ،ان کا کہنا تھا کہ اس منصوبے کا مقصد دمشق کی حکومت پرعام شہریوں کے خلاف کیمیائی حملے کا الزام عائد کرنا ہے،انھوں نے مشرقی شام کے صوبے الرقہ کے مختلف علاقوں میں شامی پناہ گزینوں کی واپسی کے بارے میں کہا کہ صوبے الرقہ کے عین عیسی کے علاقوں المعلق، جبیل، صیدا میں شامی شہریوں کی واپسی کے سلسلے میں سمجھوتہ طے پایا ہے