سینچری ڈیل سازش، ظلم اور حقوق غصب کرنے کا حربہ ہے، آیت اللہ سیستانی

نئی حکومت کو عوام کا اعتماد اور حمایت حاصل ہونی چاہیے
بغداد (نیوز ڈیسک) عراق کے بزرگ مرجع آیت اللہ سید علی سیستانی نے امریکی صدر ڈونلڈ ٹرمپ کے مشرق وسطیٰ کے امن منصوبے”سینچری ڈیل“ کو ظلم قرار دیا ہے جمعہ کے خطبہ میں آیت اللہ سیستانی کا بیان میں ان کے مندوب عبدالمہدی الکربلائی نے پڑھا جس میں کہا گیا ہے کہ امریکی منصوبہ سازش، ظلم، مظلوم فلسطینی قوم کے حقوق غصب کرنے کا ایک نیا حربہ ہے،انہوں نے نجف میں مظاہرین پر تشدد کی مذمت کی اور کہاکہ نئی حکومت کو عوام کا اعتماد اور حمایت حاصل حاصل ہونی چاہیے،انہوں نے سیکیورٹی فورسز پر زوردیا ہے کہ وہ حکومت مخالف مظاہرین کو آئندہ کسی بھی حملے سے بچائیں اور انھیں تحفظ مہیا کریں۔