سوئیڈن میں ایک بار پھر قرآن سوزی کے پروگرام پر پابندی

اسٹاک ہوم: سوئیڈن حکومت نے ایک بار انتہاپسندوں کی جانب سے قرآن جلانے کا منصوبہ ناکام بنادیا۔سوئیڈش حکومت نے اسٹاک ہوم میں ایک ریلی کی اجازت منسوخ کردی۔ریلی میں انتہاپسندوں نے قرآن سوزی کا منصوبہ بنایا تھا۔ ریلی کو روکنے کے فیصلے کو سویڈش حکام کا غیر معمولی اقدام قرار دیا جا رہا ہے۔پولیس نے کہا ہے کہ گذشتہ ماہ ترکی کے سفارت خانے کے باہر قرآن سوزی کے واقعے کے بعد سویڈن کے خلاف خطرات بڑھ گئے ہیں۔ جبکہ بیرونی ملک سویڈش مفادات اور سویڈن کے شہریوں کے خلاف بھی خطرات میں اضافہ ہوا ہے۔ سویڈن حملوں کے لیے ایک اعلیٰ ترجیحی ہدف بن گیا ہے۔ جنوری میں اسی طرح کی ایک ریلی میں انتہائی دائیں بازو کے سیاست داں نے ترک سفارت خانے کے قریب قرآن کو نذر آتش کر دیا تھا۔