سعودی حکام نے ایک اورشیعہ مسجدکو مسمار کردیا

 مسجد وامام بارگاہ کو سڑک کے توسیعی منصوبے کے تحت منہدم کیا گیا
 العوامیہ (نیوز ڈیسک) آل سعود نے شیعہ اکثریتی شہر قطیف میں ایک اور شیعہ مسجد وامام بارگاہ کو شہید کردیا ،سیکورٹی اہلکاروں نے رات کی تاریکی میں بلڈوزروں اور دوسری بھاری مشینری کے ساتھ دھاوابولا اور راتوں رات مسجد وامام بارگاہ کو مسمار کردیا انتظامیہ نے دعویٰ کیا ہے کہ مسجد وامام کو سڑک کے توسیعی منصوبے کے تحت منہدم کیا گیا ہے ، یہ پانچ ماہ میں دوسری شیعہ مسجد ہے جسے شہید کیا گیاہے،دسمبر میں العوامیہ میں مسجد امام حسین کو شہید کیا جاچکا ہے، سعودی حکام اس شیعہ آبادی والے علاقوں میں اب تک کئی مساجد، امام بارگاہوں، حسینیوں اور دیگر دینی مراکز کو مسمار کر چکے ہیں۔