سری لنکا میں برقع پر پابندی، ہزار اسلامی اسکول بند

 ابتدائی دنوں میں مسلم خواتین کبھی برقع نہیں پہنتی تھیں ،آج یہ انتہا پسندی کی نشانی بن گیا، چہرہ ڈھانپنے پر پابندی لگائی جارہی ہے ،وزیر پبلک سیکیورٹی
، حکومت کا ہزار سے زائد مدرسہ اسلامک اسکولوں پر پابندی کا بھی ارادہ ہے جو قومی تعلیمی پالیسی کی خلاف ورزی کر رہے ہیں،تجاویز کابینہ کو بھیج دی ہیں
کولمبو( نیوز ڈیسک)سری لنکا میں حکومت نے برقع پرپابندی اور ہزار سے زائد اسلامی اسکولز کو بند کرنے کا فیصلہ کرلیا،وزیر برائے عوامی تحفظ سارتھ ویراسکیرا نے نیوز کانفرنس میں بتایا کہ قومی سلامتی‘ کی بنیاد پر کچھ مسلمان خواتین کی جانب سے مکمل چہرہ ڈھانپنے پر پابندی لگائی جارہی ہے، ہمارے آغاز کے دنوں میں مسلم خواتین اور لڑکیاں کبھی برقع نہیں پہنتی تھیں ،آج یہ مذہبی انتہا پسندی کی نشانی بن گیا ہے، حکومت کا ہزار سے زائد مدرسہ اسلامک اسکولوں پر پابندی کا بھی ارادہ ہے جو قومی تعلیمی پالیسی کی خلاف ورزی کر رہے ہیں،اپنی مرضی سے کوئی اسکول نہیں کھول سکتا اور نہ ہی بچوں کو جو مرضی چاہے پڑھا سکتا،انہوں نے بتایا کہ مسلمان خواتین کے نقاب پہننے اور مدارس پر پابندی کے لیے تجاویز منظوری کے لیے کابینہ کو بھیج دی گئیں۔