ریاست مدینہ کیلئے ایک ٹاسک فورس بنانے کی ضرورت ہے،ڈاکٹر ایاز

ضروری قانون سازی کیلئے حکومت نے اسلامی نظریاتی کونسل سے رابطہ کیا ہے
کراچی(نیوز ڈیسک) چیئرمین اسلامی نظریاتی کونسل ڈاکٹر قبلہ ایاز نے کہا کہ ریاست مدینہ کی تفصیلات طے کرنے کیلئے ایک ٹاسک فورس بنانے کی ضرورت ہے، قمری کلینڈر اچھی کوشش ہے لیکن علما کا اتفاق ہے کہ چاند کی رویت ہونا ضروری ہے،احساس پروگرام اور صحت کارڈ کو مزید منظم کیا جائے تو ریاست مدینہ کی طرف قدم ہوگا پاکستان کو ریاست مدینہ بنانے کیلئے ضروری قانون ساز ی سے متعلق حکومت نے اسلامی نظریاتی کونسل سے رابطہ کیا ہے، پاکستان کی خوش قسمتی ہے کہ یہاں قوانین کو اسلامی سانچے میں ڈھالنے کا آئینی طریقہ کار موجود ہے جس کی تشکیل میں تمام مکاتب فکر کی نمائندگی ضروری ہے، رویت ہلال کیلئے کلینڈر بنا کر فواد چوہدری نے اچھا کام کیا ہے،ہم نے اس پر ترتیب بنانا شروع کی تھی کہ کابینہ کا فیصلہ آیا کہ رویت ہلال کا مسئلہ وزارت مذہبی امور دیکھے گی،قمری کلینڈر اچھی کوشش ہے لیکن سوال یہ ہے کہ رمضان یا عید کا اعلان چاند کی تخلیق کی اساس پر ہے یا چاند کی رویت کے اساس پر ہے، علما کا اتفاق ہے کہ چاند کی رویت ہونا ضروری ہے۔