ایرانی حملے میں 109 امریکی زخمی ہوئے، پینٹاگون

27 فوجی جرمنی میں امریکی اسپتال منتقل ہوئے، بیشتر کام پر لوٹ آئے
واشنگٹن (نیوز ڈیسک) امریکی وزارت دفاع پینٹاگون نے ایک بار پھر عراق میں عین الاسد فوجی اڈے پر ایرانی میزائل حملے میں اپنے زخمی فوجیوں کی تعداد میں اضافہ کردیا، پینٹاگون نے کہا ہے کہ ایرانی حملے میں 109امریکی فوجی برین انجری کا شکار ہوئے، پینٹاگون نے مزید بتایا کہ فوجیوں میں سے 27 کو جرمنی میں امریکی اسپتال منتقل کیا گیا تھا، 7 فوجیوں کو عراق سے جرمنی منتقل کیا جا رہا ہے، جرمنی منتقل کیے گئے 27 فوجیوں میں سے ایک فوجی صحت یاب ہو کر عراق میں اپنے یونٹ میں لوٹ آیا ہے، جب کہ 21 کو امریکا منتقل کر دیا گیا ہے اور5فوجی مزید جانچ اور معائنوں کے لیے ابھی تک جرمنی میں ہیں۔