امریکا میں کوروناسے دو لاکھ افراد کی ہلاکت ہوسکتی ہے، امریکی سائنسدان

لاکھوں افراد وائرس سے متاثر ہوں گے، 10 لاکھ اموات کا امکان نہیں
واشنگٹن(نیوز ڈیسک) امریکا کے ایک سینئر سائنس دان اور صدر ڈونلڈ ٹرمپ کے مشیر برائے امورِ صحت ڈاکٹر انتھونی فاؤچی نے کہا ہے کہ ملک میں کورونا وائرس سے ایک سے دو لاکھ تک ہلاکتیں ہوسکتی ہیں، ڈاکٹر فاؤچی امریکا کے قومی ادارہ صحت میں شعبہ متعدی امراض کی تحقیق کے سربراہ ہیں، انھوں نے کہا ہے کہ اس مہلک وائرس سے دس لاکھ تک اموات کا تو امکان نہیں اور یہ بالکل انہونی اور ناممکن سی بات ہے،البتہ انھوں کہا کہ وَبا سے دو لاکھ تک اموات ہوسکتی ہیں اور مزید لاکھوں افراد متاثر ہوسکتے ہیں، میں یہ نہیں چاہتا کہ اس تعداد کو حتمی سمجھ لیا جائے،یہ ایک طرح کا متحرک ہدف ہے،آپ غلط بھی ہوسکتے ہیں اور لوگوں کو گم راہ کرسکتے ہیں۔