امریکا مغربی ایشیا میں امن و امان قائم نہیں کر سکتا،ایران

تہران اپنے پڑوسی ممالک کی سلامتی کو اپنی سلامتی سمجھتا ہے
تہران (نیوز ڈیسک) ایرانی وزیر خارجہ محمد جواد ظریف نے کہا ہے کہ علاقے کے ممالک کو جان لینا چاہئے کہ امریکا اور اسرائیل مغربی ایشیا میں امن و امان قائم نہیں کر سکتے،تہران، علاقے کے ممالک کے ساتھ ایک سیکیورٹی میکانیزم تیار کرنے کی غرض سے مذاکرات کے لئے تیار ہے، کویت، قطر، عمان اور عراق نے ایران کے ہرمز امن پیس کا مثبت جواب دیا ہے لیکن سعودی عرب، متحدہ عرب امارات اور بحرین نے اب تک کوئی مثبت جواب نہیں دیا،جواد ظریف نے کہاکہ تہران اپنے پڑوسی ممالک کی سلامتی کو اپنی سلامتی سمجھتا ہے اور اپنے تمام پڑوسیوں کے ساتھ گفتگو کے لئے تیار ہے،انہوں نے کہاکہ اگر یورپ، ایٹمی سمجھوتے پر عمل کرے تو ایران بھی ایٹمی سمجھوتے پر دوبارہ مکمل عمل درآمد پھر شروع کردے گاایرانی وزیر خارجہ کا کہنا تھا کہ قاسم سلیمانی کے قتل کے بعد بہت سے لوگوں نے اس کا انتقام لینے کا سوچا، میں صرف یہ کہتا ہوں کہ ابھی تک ہم قاسم سلیمانی کے قتل کا بدلہ نہیں لے سکے ہیں۔v