آرمینیا اور آذربائیجان میں معاہدہ ،پاکستان کا خیرمقدم

آذربائیجان ناگورنوقرہ باغ کے زیرقبضہ علاقوں کو اپنے پاس رکھے گا
ماسکو /اسلام آباد(نیوز ڈیسک) روس کی ثالثی میں آذربائیجان اور آرمینیا نے امن معاہدے پر دستخط کردئے،معاہدے کے تحت ناگورنوقرہ باغ کے متنازع حصے پر6ہفتوں سے جاری فوجی کارروائی کا خاتمہ کیا جائے گا، آرمینیا کے وزیر اعظم نکول پاشنیان نے اس معاہدے کو ‘اپنے اور اپنے ملک کے لوگوں کے لیے تکلیف دہ قرار دیا ہے ، معاہدے کے تحت آذربائیجان ناگورنوقرہ باغ کے ان علاقوں کو اپنے قبضے میں برقرار رکھے گا جو اس نے جنگ کے دوران حاصل کیا ہے ، آرمینیا نے بھی قرہ باغ کے نواحی علاقوں سے پیچھے ہٹنے پر اتفاق کیا ہے ،آذربائیجان کے صدر الہام علییف نے کہا ہے کہ ترکی بھی اس قیام امن کے عمل میں حصہ لے گا پاکستان نے معاہدے کا خیرمقدم کرتے ہوئے کہا ہے کہ اس نے ہمیشہ بین الاقوامی قوانین اور اقوام متحدہ کی سلامتی کونسل کی قراردادوں کے مطابق ناگورنو۔کاراباغ تنازع کے حل کی مستقل حمایت کی ہے ، امید ہے کہ معاہدے سے خطے میں استحکام اور خوشحالی کے نئے دور کا آغاز ہوگا