Raza Musani 
صنعا: یمنی بحریہ نے بحیرہ احمر اور بحر ہند میں اسرائیل اور امریکہ کے تین جہازوں کو نشانہ بنایا ہے۔ یمنی فوج کے ترجمان یحییٰ السریع کے مطابق خلیج عدن کے قریب امریکہ تجارتی جہاز میرسک یورک ٹاون اور امریکی جنگی جہاز کو نشانہ بنایا گیاہے۔ جس سے دونوں جہازوں کو نقصان پہنچا ہے۔
یمنی بحریہ اور اس کی اسپیشل ڈرون فورس نے بحر ہند میں اسرائیلی جہاز ویرا کروز کو نشانہ بنایا ہے۔بحریہ کے مطابق تینوں جہازوں کو ناقابل تلافی نقصان پہنچا ہے۔ یحییٰ السریع نے خبردار کیا ہے کہ امریکہ اور برطانیہ اسرائیل کی حمایت ترک کرکے فلسطینی مظلوموں کی داد رسی کریں۔یمن صرف جارح قوتوں کے خلاف ہی ہتھیار اٹھانا چاہتا ہے۔ جب تک غزہ میں جنگ بندی نہیں ہوتی اسرائیل اور اس کے حمایتیوں کے خلاف یمنی بحریہ کے حملے جاری رہیں گے۔
