Ilyas 
اس عمر میں ایک حد تک ضد کرنا نارمل بات ہے۔ اگر حد سے بڑھ جائے تو پھر ایک مسئلہ ہے۔
وجوہات
والدین کی توجہ پانا چاہتا ہے۔ (اہم ترین وجہ)
وہ ہر چیز کو اپنی بچگانہ نگاہ سے دیکھتا ہے، آپ کے نقطہ نظر سے نہیں۔
وہ اپنی بات پوری طرح نہیں کرسکتا لیکن اس سے کئی گنا زیادہ سمجھتا ہے۔
ضرورت سے زیادہ "یہ کرو یہ نہ کرو” سننے سے تھک گیا ہے۔
وہ اپنی اطراف کی دنیا کو تجربہ کرنا چاہتا ہے۔
راہ حل
جس چیز کے لئے ضد کررہا ہے اس پہ سے دھیان بٹوائیں۔ ذہن کو کسی اور چیز میں مصروف کروائیں۔ بچوں کا دھیان بآسانی بٹ جاتا ہے۔
دیکھیں کہ اسکی کون سی اصلی ضروریات پوری نہیں ہورہی ہیں۔
اس کی باتوں پر دھیان دیں۔ اسے توجہ دیں۔
صرف خطرناک کاموں پہ روکیں۔ اس کے علاؤہ اسے آزادی دیں۔ ماحول کو امن بنائیں۔
پرسکون رہیں اور اس پر مت چیخیں۔
جب وہ صحیح کام کرتا ہے تو اس کی حوصلہ افزائی کریں اور اس کام کو بولڈ کریں۔
سزا کا استعمال نہ کریں۔ ابھی وہ بہت چھوٹا ہے۔
اسے اپنے ماحول کی کھوج سے نہ روکیں۔
کم اہم مسائل پر اپنی حساسیت کو کم کریں۔
زبانی تعریف کا استعمال کریں۔
اس سے سکون سے بات کریں۔
ہاتھ مت لگاؤ، وہاں مت جاؤ۔۔۔ کے بجائے ماحول کو محفوظ بنائیں۔
مخصوص اصول مرتب کریں اور اس کی سمجھ کے مطابق سمجھائیں۔۔۔ اشاروں سے، آوازوں سے، کہانیوں سے۔۔۔
