Raza Musani 
بیروت : حزب اللہ سربراہ نعیم قاسم نے دوٹوک الفاظ میں کہا ہے کہ لبنان اسرائیل فریم ورک معاہدے کی ایک شق بھی نافذ نہیں ہونے دیں گے۔ انہوں نے کہا کہ ایران نے مزاحمت کو طاقت، وقار اور استقامت فراہم کی۔ ایران کی بہادری کے باعث جنگ بندی ممکن ہوئی۔ انہوں نے کہا کہ امریکہ لبنان پر اپنی بالادستی مسلط کرنا چاہتا ہے، امریکی مطالبات اسرائیل کے مفادات کو تحفظ پہنچاتے ہیں۔ نعیم قاسم نے کہا کہ لبنانی حکام نے امریکہ کے ساتھ مل کر ایسا معاہدہ کیا جو مکمل طور پر اسرائیل کے حق میں ہے، یہ معاہدہ کسی صورت قابل قبول نہیں اور اس پر عملدرآمد روک دیا جائے گا۔ حزب اللہ کے سربراہ نعیم قاسم نے واضح کیا کہ لبنان کے عوام اور ہم مل کر امریکی دباؤ کا مقابلہ کریں گے.
