Raza Musani 
تہران : امریکی جنگی طیاروں نے ایک بار پھر ایرانی شہروں پر بم برسادئے۔ جنوب مشرقی ایران میں فوجی اڈے پر میزائل حملوں میں سات ایرانی فوجی شہید جبکہ متعدد زخمی ہوگئے۔ صوبہ سیستان و بلوچستان کے علاقے ایرانشہر میں بمپور بیس کے رہائشی حصے پر تیرا میزائل داغے گئے۔ حملے میں سات فوجی شہید اور کئی زخمی ہوگئے۔
حالیہ امریکی حملوں میں شہید افراد کی تعداد تیس ہوگئی ہے۔ جبکہ دو سو ساٹھ زخمی ہوگئے۔ امریکی فضائیہ نے ایرانی جزیرہ کیش پر بمباری کی۔ جنگی طیاروں نے کیش بندرگاہ میں لنگر انداز کشتیوں کو بھی نشانہ بنایا۔ امریکا نے صوبہ خوزستان کے شہر دشتِ آزادگان اور ہویز میں گندم کے گودام۔۔ صوبہ ایلام کے شہر دہلران میں منرل واٹر تیار کرنے کا کارخانہ۔ صوبہ ہرمزگان میں بندر عباس اور سیریک میں دفاعی تنصیبات۔ صوبہ بوشہر میں جم۔ بوشہر اور خورموج میں مختلف تنصیبات جبکہ صوبہ سیستان و بلوچستان کے ساحلی علاقے چابہار میں سمندری ٹریفک کنٹرول سینٹر پر حملے کئے۔ جزیرہ تنب میں اس کے ساحلی دفاعی نظام اور میزائل اسٹوریج مرکز کو نشانہ بنایا گیا۔ امریکی فوج کی سینٹرل کمانڈ نے اعلان کیا ہے کہ اس نے ایران کے خلاف حملوں کی ایک اور لہر مکمل کرلی ہے جس میں آبنائے ہرمز کے قریب اور ایرانی ساحلی علاقوں میں درجنوں فوجی اہداف کو نشانہ بنایا گیا۔
