Raza Musani 
لندن : برطانیہ میں انسانی حقوق کی عرب تنظیم نے بین الاقوامی فوجداری عدالت کے چیف پراسیکیوٹر سے مطالبہ کیا ہے کہ وہ نیتن یاہو۔ گیلنٹ اور محمد ضیف کے انٹرپول سے ریڈ نوٹس جاری کروائیں۔ اے او ایچ آر نے کہاہےکہ ریڈ نوٹس سے انٹرپول کے رکن 195 ممالک پر لازم ہوجائے گا کہ وہ مطلوبہ افراد کو اپنی سرزمین پر قدم رکھنے کی صورت میں گرفتار کرلیں۔ تنظیم نے کہا کہ ریڈ نوٹس اس بات کو یقینی بنانے کے لیےاہم قدم ہے کہ وارنٹ گرفتاری کا نفاذ صرف 124 ریاستوں تک محدود نہ ہو جو آئی سی سی کی رکن ہیں۔ اے او ایچ آر نے کہا کہ دو اسرائیلی لیڈروں کے وارنٹ کا فیصلہ اس استثنیٰ کو ختم کرنے کی طرف پہلا قدم ہے جو قابض ریاستوں میں سیاست دانوں اور فوجی رہنماؤں کو کئی دہائیوں سے امریکہ اور دیگر ممالک کی لامحدود حمایت کی وجہ سے حاصل ہے۔
