ترک فوج کاعراق میں 15 کلو میٹر علاقے پر قبضہ

 شمالی عراق میں کرد دیہات پر وقفہ وقفہ سے گولہ باری جاری
 بغداد(نیوز ڈیسک)ترک فوج نے عراق کے اندر 15 کلو میٹر کے رقبے پر قبضہ کرلیا، جبکہ شمالی عراق میں کرد دیہات پر وقفہ وقفہ سے گولہ باری کا سلسلہ جاری ہے، دہوک میں بھی تزویراتی اہمیت کے حامل جبل خامتیر کے اطراف مقامات کو نشانہ بنایا گیا، غصے میں بپھری بغداد حکومت نے ترکی کے سفیر کو دو بار طلب کر کے احتجاجی یادداشت حوالے کی، پارلیمنٹ میں سیکورٹی اور دفاع کی کمیٹی کے سربراہ محمد رضا آل حیدر نے ترکی کی عسکری مداخلت پر ناراضگی اور غصے کا اظہار کیا اور کہا کہ کہ ترکی سابقہ سیکورٹی سمجھوتے کا سہارا لے رہا ہے جس میں سرحدی پٹی کے اندر 7 کلومیٹر تک داخلے کی اجازت طے پائی تھی