ترکیہ اور سعودی عرب میں دفاعی تعلقات بڑھانے پر اتفاق

انقرہ : ترکیہ اور سعودی عرب نے دفاعی تعلقات بڑھانے پر اتفاق کیا ہے۔ سعودی وزیر دفاع شہزادہ خالد بن سلمان نے انقرہ میں ترکیہ کے صدر رجب طیب اردوان سے ملاقات میں سعودی ولی عہد کا تہنیتی پیغام صدر اردوان تک پہنچایا ، ترک حکومت اور عوام کے لیے ترقی اور خوشحالی کی خواہش کا اظہار بھی کیا۔ ملاقات کے دوران دونوں برادر ملکوں کے درمیان دوطرفہ تعلقات کو مزید بڑھانے کے طریقوں کا جائزہ لیا گیا۔ ملاقات میں علاقائی اور بین الاقوامی صورتحال میں ہونے والی پیش رفت اور اس حوالے سے کی جانے والی کوششوں اور حالیہ علاقائی اور بین الااقوامی صورتحال پر بھی بات چیت کی گئی۔