ٹرمپ کی ایران کے پِک ایکس ماؤنٹین کو نشانہ بنانے کی دھمکی

واشنگٹن: امریکی صدر ڈونلڈ ٹرمپ نے کہا ہے کہ امریکا ایران میں واقع پِک ایکس ماؤنٹین میں جوہری تنصیب کو بہت جلد نشانہ بنا سکتا ہے۔ امریکی صدر ٹرمپ نے کہا کہ امریکا کو پِک ایکس ماؤنٹین میں موجود افراد اور ایران بھر میں ہونے والی نقل و حرکت کا علم ہے۔ انہوں نے ایران کے ساتھ جاری محاذ آرائی کو جنگ کے بجائے فوجی تنازع قرار دیتے ہوئے کہا کہ امریکا کی نظر میں یہ ایک معمولی معاملہ ہے۔ ڈونلڈ ٹرمپ کے مطابق امریکا ایران پر وقفے وقفے سے حملے کر رہا ہے، تاہم اس وقت دونوں جانب فعال لڑائی نہیں ہو رہی۔ انہوں نے کہا کہ تنازع کے خاتمے کا کوئی وقت نہیں بتایا جا سکتا، تاہم امریکا اپنا بنیادی مقصد حاصل کر چکا ہے اور ایران کے پاس جوہری ہتھیار نہیں ہوگا۔ امریکی صدر نے دعویٰ کیا کہ امریکی بارودی سرنگ صاف کرنے والے جہازوں نے آبنائے ہرمز سے بارودی سرنگیں بھی ہٹا دی ہیں۔