امریکا سے کوئی مذاکرات نہیں ہوں گے، حزب اللہ کا دوٹوک اعلان

بیروت : حزب اللہ نے امریکا سے مذاکرات نہ کرنے کا واضح اعلان کردیا۔ حزب اللہ کی مجلس عاملہ کے سربراہ سید صفی الدین نے کہا ہے کہ امریکا مسلسل رابطہ قائم کرنے کی کوشش میں ہے لیکن حزب اللہ اسکے خلاف ہے۔ امریکی افراتفری پھیلانا چاہتے ہیں۔ وہ لبنان پر کنٹرول چاہتے ہیں جس کا اصل ہدف خطے میں صیہونی حکومت کو سیکیورٹی فراہم کرنا ہے۔ صفی الدین نے کہا کہ خطے اور لبنان میں امریکیوں کے پاس متبادل ہیں جسے وہ شروع سے استعمال کرتا آ رہا ہے اور اسکے مقابلے میں ہمارے پاس بھی متبادل ہیں جسکے مطابق ہم عمل کرتے ہیں۔ انہوں نے حکومتی اجلاسوں میں شامل ہونے کے حزب اللہ کے فیصلے کے بارے میں کہا کہ یہ داخلی فیصلہ ہے جس کا ایران سعودی عرب کے درمیان مذاکرات میں پیشرفت کے حصول سے کوئی ربط نہیں ہے۔ حکومتی میٹینگوں میں شامل ہونے کے پیچھے ہمارا ہدف اقتصادی بحران کو حل کرنا اور عوام کے شانہ بہ شانہ کھڑا ہونا ہے۔