Raza Musani 
تل ابیب: صیہونی وزیر خزانہ بیزالیل اسموٹریچ نے مقبوضہ مغربی کنارے میں آبادکاری کے توسیعی منصوبے کے تحت مزید ایک سو پندرہ ایکڑ فلسطینی اراضی کو ریاستی زمین قرار دے دیا۔ صیہونی وزیر خزانہ بیزلیل سموٹریچ نے سوشل میڈیا پر جاری بیان میں کہا کہ فلسطینی زمین پر نئی آبادکاری اور رہائشی یونٹس قائم ہوں گے۔ اس اقدام کا مقصد بستی کی توسیع اور زمینی سطح پر صیہونی کنٹرول کو مزید مضبوط بنانا ہے۔ انہوں نے دعویٰ کیا کہ اس فیصلے سے اسرائیلیوں کی سلامتی کو تقویت ملے گی۔
صیہونی وزیر خزانہ نے ایک بار پھر فلسطینی ریاست کے قیام کی مخالفت کرتے ہوئے کہا کہ ان کی مدتِ اقتدار میں فلسطینی ریاست قائم نہیں ہونے دی جائے گی۔ فلسطینی حلقوں نے اس اقدام کو مقبوضہ علاقوں میں غیرقانونی صیہونی آبادکاری کے تسلسل کا حصہ قرار دیا ہے۔
