Raza Musani 
استنبول : حماس کے سینئر رہنما خالد مشعل نے کہا ہے کہ قیادت کے قتل سے کوئی فرق نہیں پڑتا۔ سنوار طوفان اسرائیل کو تباہ کر دے گا۔ ترکیہ کے شہر استنبول میں شہید یحییٰ سنوار کے لئے منعقدہ تعزیتی تقریب سے خطاب میں خالد مشعل نے کہا کہ یحییٰ سنوار نے صیہونی حکومت کے خلاف ایک طوفان برپا کیا اور اسے ایک عظیم زلزلے سے دوچار کیا جو صیہونی ریاست کی تباہی کا باعث بنے گا۔ دشمن نے سنوار کو ایک ناموافق انجام سے دوچار کرنا چاہا لیکن خدا نے اسے ایک قابل احترام تقدیر عنایت کی اور وہ انتہائی شجاعت کے ساتھ لڑتے ہوئےجام شہادت نوش کرگیا۔ خالد مشعل نے کہا کہ فلسطینی مزاحمت اسرائیلی مظالم کا مقابلہ کرتی رہے گی اور ہر اس اقدام کا خیرمقدم کرے گی جو فلسطینی عوام کے حقوق کے حصول کو یقینی بنائے اور جارحیت کے خاتمے کا باعث بنے۔
