اسرائیلی حکومت کے خلاف ایک ہفتے طویل احتجاج کا آغاز

تل ابیب: اسرائیل میں حکومت مخالف کارکنوں نے غزہ جنگ کو نو ماہ مکمل ہونے پر ایک ہفتے طویل احتجاج کا آغاز کردیا ہے۔ اسرائیل میں ہزاروں مظاہرین نے ہفتہ مزاحمت کے تحت ملک کی اہم شاہراہوں کو بند کردیا ۔ مظاہرین نے سڑکوں پر رکاوٹیں کھڑی کردیں اور ٹریفک کو روک دیا۔ پولیس نے مظاہرین کو منتشر کرنے کیلئے شیلنگ کی اور واٹر کینن کا استعمال کیا۔ تل ابیب میں فوجی ہیڈکوارٹر کے باہر بھی ایک بڑا مظاہرہ کیا گیا۔ مظاہرین نے وزیردفاع۔ وزیرخارجہ۔ پارلیمنٹ کے اسپیکر سمیت کئی وزرا اور ارکان کے گھروں کا گھیراؤ کرلیا۔ مظاہرین نے جنگ بندی، یرغمالیوں کی رہائی کیلئے معاہدہ کرنے کا مطالبہ کیا۔ مظاہرین نے ملک میں نئے الیکشن پر بھی زور دیا۔