غزہ کی صورتحال بد سے بدتر ہوتی جارہی ہے، اقوام متحدہ

جنیوا : اقوام متحدہ کی رپورٹ کے مطابق غزہ میں لاکھوں افراد ایک وقت کے کھانے سے بھی محروم ہیں۔صورتحال ہر گزرتے دن کے ساتھ بد سے بدتر ہوتی جارہی ہے۔ ایک اندازے کے مطابق دو لاکھ پچاس ہزار فلسطینی مشرقی خان یونس اور رفح کے علاقوں میں رہ رہے ہیں جہاں سے اسرائیل نے انہیں نکل جانے کا حکم دیا ہے۔اسرائیلی فوج نے انخلا کے حکم کے ساتھ ساتھ علاقے میں حملے شروع کردیئے ہیں اور شہریوں کو بحفاظت انخلا کے لیے مہلت بھی نہیں دی جارہی ہے۔اقوام متحدہ کے دفتر برائے رابطہ برائے انسانی امور کی رپورٹ میں یہ بھی بتایا گیا ہے کہ ایندھن کی قلت کے باعث غزہ کے اسپتالوں کے بند ہوجانے کا خطرہ ہے۔ شمالی غزہ میں فلسطینی بنیادی شہری سہولیات سے محروم ہیں اور بھوک کی وجہ سے اموات میں ہرگزرتے دن کے ساتھ اضافہ دیکھا جارہا ہے۔