غزہ کی صورتحال انتہائی تشویشناک ہوگئی ہے، ڈاکٹرز ود آؤٹ بارڈرز

پیرس : ڈاکٹروں کی عالمی تنظیم ڈاکٹرز ود آؤٹ بارڈرز ایم ایس ایف نے غزہ کی صورتحال کو انتہائی تشویشناک قرار دے دیا۔ایم ایس ایف نے ایک بیان میں خبردار کیا ہے کہ غزہ میں جنگ بندی کے خاتمے کے بعد اسرائیلی حکام نے غزہ میں بجلی۔پانی اور ایندھن کا داخلہ روک کر جنگ کا ایک اور حربہ اختیار کرلیا ہے۔ بیان میں مزید کہا گیا ہے کہ مسلسل بمباری برداشت کرنے والوں کیلئے پانی کے بحران نے مصائب میں اضافہ کردیا ہے۔ بہت سے لوگ غیر محفوظ پانی پینے پر مجبور ہیں، جبکہ دوسروں کے پاس کافی پانی دستیاب نہیں ہے۔ ایم ایس ایف نے اپنے بیان میں جنگ بندی کی فوری بحالی اور شہریوں کو مزید مصائب سے بچنے کے لیے ضروری امداد کی بلا رکاوٹ داخلے کا مطالبہ کیا گیا ہے۔