نانا کی لاش پر ننھے نواسے کی تصویر، دنیا ہل گئی

بشیر احمد کو بھارتی فوجیوں نے حریت پسند قرار دیکر شہید کردیا
سری نگر(نیوز ڈیسک) مقبوضہ کشمیر میں ایک چھوٹے بچے کی اپنے نانا کی لاش پر بیٹھی تصویر نے دنیا کو ہلا کر رکھ دیا ہے اور یہ ان انسانی حقوق کے علمبرداروں کے لیے لمحہ فکریہ ہے جو ایک طویل عرصے سے مقبوضہ کشمیر میں جاری مظالم پر خاموش تماشائی بنے ہوئے ہیں، تصویر میں ایک تین سالہ بچہ خون میں لت پت اپنے نانا کی لاش کے اوپر بیٹھا ہوا ہے اور اس کے پاس سیکیورٹی اہلکار کھڑے ہیں ، یہ واقعہ مقبوضہ کشمیر کے ضلع بارہ مولہ میں ماڈل ٹاون علاقے سوپور میں پیش آیاجہاں بھارتی فوجیوں نے بشیر احمد کو حریت پسندقرار دے کر شہید کردیا۔