Raza Musani 
غزہ: صیہونی فوج نے مشرقی اور وسطی رفح کے مزید علاقوں کو خالی کرنے کا حکم دے دیا۔ اسرائیلی حکم کے بعد فلسطینی افراتفری کے عالم میں فرار ہورہے ہیں۔ فلسطینی پناہ گزینوں کے لیے اقوام متحدہ کی ایجنسی کے مطابق چار دن میں ڈیڑھ لاکھ فلسطینی نقل مکانی کرچکے ہیں جبکہ اسرائیلی فوج کا کہنا ہے کہ یہ تعداد تین لاکھ کے قریب ہے۔ اسرائیلی فوج نے شمالی غزہ کے علاقے جبالیہ کو خطرناک جنگی زون قرار دینے کے بعد وہاں سے بھی لوگوں کو مغربی علاقے کی طرف جانے کا حکم دیا ہے۔
ادھر صیہونی فوج کے حملے بھی جاری ہیں ۔ صبح سے جاری حملوں میں آٹھ خواتین اور آٹھ بچوں سمیت 30 فلسطینی شہید ہوگئے ہیں۔
دوسری جانب القسام بریگیڈ نے ایک اور اسرائیلی قیدی کی ویڈیو جاری کردی گیارہ سیکنڈ کی ویڈیو میں 51 سالہ قیدی کا کہنا ہے کہ وقت ختم ہو رہا ہے۔ آپ کی حکومت جھوٹ بول رہی ہے۔
