اگلا حملہ اس سے زیادہ خطرناک ہوگا، ولی امر مسلمین

تہران: ولی امر مسلمین آیت اللہ سید علی خامنہ ای نے کہا ہے کہ اگلا حملہ اس سے زیادہ خطرناک ہوگا، انہوں نے عبرانی زبان میں اسرائیل کو انتباہ جاری کرتے ہوئے کہا کہ ہم فتح کے قریب ہیں۔ اللّٰہ کی مدد سے مزاحمتی محاذ جو ضرب صیہونی ریاست کو لگائے گا وہ اس سے کہیں زیادہ شدید اور تکلیف دہ ہوگی۔ آیت اللہ سید علی خامنہ ای نے سوشل میڈیا پر معنی خیز تصویر کے ساتھ میزائلوں کے ذخیرہ کی پوسٹ شیئر کی۔
ایرانی صدر مسعود پیزشکیان نے ایران کے حملے کو فیصلہ کن ردعمل قرار دے دیا۔ مسعود پیزشکیان نے کہا کہ اسرائیلی وزیر اعظم کو یہ جان لینا چاہیے کہ ایران جنگ کا خواہاں نہیں ہے میزائل حملہ ایران کی صلاحیتوں کی صرف ایک جھلک ہے.