قیدیوں کا مسئلہ قومی مسئلہ ہے، دستبردار نہیں ہوں گے، حماس سربراہ

غزہ : حماس کے سربراہ اسماعیل ہنیہ نے کہا ہے کہ ان کی تحریک فلسطینی قیدیوں کے مسئلے کو خاص اہمیت دیتی ہے اور ان کی رہائی کی مسلسل کوشش کررہی ہے۔ہمارے لئے فلسطینی قیدیوں کا مسئلہ خاص قومی مسئلہ ہے۔ اسماعیل ہنیہ نے حماس کو ایک حریت پسند اور قوم پرست تحریک قرار دیا اور کہا کہ حماس، استقامت و جہاد کے میدان میں سرفہرست ہے۔اسماعیل ہنیہ نے کچھ دنوں پہلے بھی اس بات کی جانب اشارہ کرتے ہوئے کہ صیہونی حکومت کو قیدیوں کے تبادلے پر مجبور کردیں گے کہا تھا کہ قیدیوں کا مسئلہ تحریک حماس کی ترجیحات میں سرفہرست ہے اور وہ قیدیوں کا مسئلہ آگے بڑھانے کے لئے دو طریقوں پر عمل پیرا ہیں؛ ایک تو یہ کہ جیلوں میں قیدیوں کو شرافت مندانہ زندگی فراہم کی جائے اور دوسرے یہ کہ فلسطینی قیدیوں کو صیہونی غاصبوں کی جیلوں سے مکمل رہائی دی جائے.